Contact Information

Esana Media
46, Galle Road, Kalutara,
Sri Lanka

We're Available 24/ 7. Call Now.

GovPay නමින් සිදුවන ව්‍යාජ කෙටි පණිවුඩ සේවාවක් පිළිබඳව ඩිජිටල් ආර්ථික අමාත්‍යාංශය විසින් මහජනතාව වෙත අනතුරු ඇඟවීමක් සිදු කර තිබෙනවා.

පොලිසියේ රථවාහන අංශය මඟින් එවා ඇති ආකාරයෙන්, වේග සීමා උල්ලංඝනය කිරීම් සම්බන්ධයෙන් දඩ මුදල් ගෙවන ලෙස දන්වමින්, මේ වන විට ජනතාව වෙත කෙටි පණිවිඩ කිහිපයක් ලැබී ඇති බවයි නිවේදනයක් නිකුත් කරමින් අමාත්‍යාංශය දැනුම් දී සිටින්නේ.

එම පණිවිඩ සමඟ ලැබී ඇති GovPay සබැඳිය සම්පූර්ණයෙන්ම අසත්‍ය, ව්‍යාජ සහ ජනතාව නොමඟ යැවීම සඳහා සකස් කර ඇති සයිබර් වංචාවක් වන අතර, කිසිදු දඩ මුදලක් ගෙවන ලෙස GovPay නිල වේදිකාව හරහා කෙටි පණිවිඩ හෝ දැනුම්දීම් සිදු කිරීමට කිසිදු අවස්ථාවක අමාත්‍යාංශය හෝ රජය පියවර ගෙන නොමැති බව ද ඩිජිටල් ආර්ථික අමාත්‍යාංශය සඳහන් කරනවා.

GovPay ඩිජිටල් ගෙවීම් පද්ධතිය ක්‍රියාත්මක වන්නේ රජයේ අනුමත නිල සහ ආරක්ෂිත ක්‍රමවේද යටතේ පමණක් වන බවත්, මෙවැනි විදේශීය හෝ සැක සහිත වෙබ් අඩවි සබැඳි හෙවත් විශේෂයෙන් lygov.art වැනි ව්‍යාජ ඩොමේන් හරහා කිසිදු දඩ මුදලක් අය කිරීමක් සිදු නොකරන බවයි අමාත්‍යාංශය ප්‍රකාශ කළේ.

මෙම වංචනික පණිවිඩ මඟින් පුරවැසියන්ගේ මූලික තොරතුරු සහ බැංකු ගිණුම් දත්ත සූක්ෂම ලෙස ලබා ගැනීමට උත්සාහ කරන බැවින්, මෙවැනි පණිවිඩ වෙත ප්‍රතිචාර දැක්වීමෙන් හෝ එවැනි සබැඳි වෙත පිවිසීමෙන් හෝ වළකින ලෙසයි ඩිජිටල් ආර්ථික අමාත්‍යාංශය ජනතාව වෙත වැඩිදුරටත් දැනුම් දී සිටින්න‍ේ.

අදාළ නිවේදනය පහතින්.