ආර්ථික ගැටලුකාරී තත්ත්වය හමුවේ 2022 වසරේදී නවතා දමන ලද සියලු මාර්ග සංවර්ධන ව්යාපෘති යළි ආරම්භ කරන ලෙස ජනාධිපති අනුර කුමාර දිසානායක විසින් මහාමාර්ග අමාත්යාංශයේ නිලධාරීන්ට උපදෙස් ලබාදී තිබෙනවා.
මහාමාර්ග අමාත්යාංශය මගින් 2026 වසරේදී ක්රියාත්මක කරනු ලබන ව්යාපෘතිවල ප්රගති සමාලෝචනයට සහ 2027 පූර්ව අයවැය සාකච්ඡාවකට ඊයේ (11) ජනාධිපති කාර්යාලයේදී එක් වෙමින් ජනාධිපතිවරයා මෙම උපදෙස් ලබා දුන් බවයි ජනාධිපති මාධ්ය අංශය සඳහන් කරන්නේ.
සියලු මාර්ග සංවර්ධන කටයුතු නිසි කාලසීමාව තුළ නිම කරමින් ජනතාවට කාර්යක්ෂම ප්රවාහන පද්ධතියක් උරුම කර දීමේ අවශ්යතාව ජනාධිපතිවරයා මෙහිදී වැඩිදුරටත් අවධාරණය කර තිබෙනවා.
මධ්යම අධිවේගී මාර්ගයේ 04 වන අදියර යටතේ යෝජිත කුරුණෑගල - ගලේවෙල මාර්ගයේ සහ රුවන්පුර අධිවේගී මාර්ගයේ සැලසුම් පිළිබඳව ද මෙහිදී අවධානය යොමු කෙරුණා.
මධ්යම අධිවේගී මාර්ගයේ කඩවත - මීරිගම දක්වා කොටස සහ වරාය පිවිසුම් මාර්ගයේ ඉදිකිරීම්, මධ්යම අධිවේගී මාර්ගයේ 03 වන අදියර යටතේ ක්රියාත්මක පොතුහැර - ගලගෙදර දක්වා කොටස ඇතුළු අධිවේගී මාර්ග ඉදිකිරීම් ව්යාපෘතිවල වත්මන් තත්ත්වය සහ ප්රගතිය මෙහිදී දීර්ඝ ලෙස සමාලෝචනය කර ඇති බවයි වැඩිදුරටත් දැක්වෙන්නේ.
අදාළ නිවේදනය පහතින්.
