තද සුළං හා රළු මුහුදු ප්රදේශ සඳහා කාලගුණ විද්යා දෙපාර්තමේන්තුව විසින් රතු නිවේදනයක් නිකුත් කර තිබෙනවා.
ඒ අනුව, මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැ.කි.මී. 60-70 දක්වා වැඩි වන අතර, එම මුහුදු ප්රදේශ විටින් විට ඉතා රළු විය හැකි බවයි එම දෙපාර්තමේන්තුව සඳහන් කළේ.
එබැවින්, මෙම මුහුදු ප්රදේශයට නැවත දැනුම් දෙන තුරු යාත්රා නොකරන ලෙසට නාවික සහ ධීවර ප්රජාවන්ට දැනුම් දී සිටිනවා.
මඩකලපුව සිට ත්රිකුණාමලය, කන්කසන්තුරය, පුත්තලම, කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැ.කි.මී. 50-60 දක්වා වැඩි වන අතර, එම මුහුදු ප්රදේශ විටින් විට රළු විය හැකි බව ද සඳහන්.
එබැවින් මෙම මුහුදු ප්රදේශවල ධීවර සහ නාවික කටයුතුවල යෙදෙන ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙස ඉල්ලා සිටින බවත්, මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව අවධානයෙන් පසුවන ලෙසත් කාලගුණ විද්යා දෙපාර්තමේන්තුව ධීවර හා නාවික ප්රජාවගෙන් ඉල්ලා සිටිනවා.
