ශ්රී ලංකා ක්රිකට් ආයතන නිලවරණය කඩිනමින් පැවැත්විය යුතු බව ජාත්යන්තර ක්රිකට් කවුන්සල සාමාජික රැස්වීමේ දී අවධාරණය කර තිබෙනවා.
ඒ අනුව, ශ්රී ලංකා ක්රිකට් නිලවරණය පවත්වන තුරු ICC සාමාජික රැස්වීම් නියෝජනය කිරීමේ අවස්ථාව ශ්රී ලංකා ක්රිකට් ආයතනයට තාවකාලිකව අහිමි වන බවයි එම කවුන්සිලය සඳහන් කරන්නේ.
ශ්රී ලංකා ක්රිකට් සභාපති ලෙස කටයුතු කළ ශම්මි සිල්වා සිය ධුරයෙන් ඉල්ලා අස්වීමත් සමඟ, ක්රීඩා අමාත්යවරයා විසින් ක්රිකට් පරිපාලනය සිදු කරගෙන යාම සඳහා පරිවර්තන කමිටුවක් පත් කිරීමට කටයුතු කර තිබුණා.
ජාත්යන්තර ක්රිකට් කවුන්සිල සාමාජික රැස්වීමේදී ශ්රී ලංකා ක්රිකට් ආයතනයේ තත්ත්වය පිළිබඳව සාකච්ඡා කර ඇති අතර, සංශෝධිත ව්යවස්ථාවක් සම්මත කර ගැනීම සඳහා ශ්රී ලංකා ක්රිකට් ආයතනය ගෙන ඇති ප්රගතිය පිළිබඳ සතුටු වන බවයි ජාත්යන්තර ක්රිකට් කවුන්සලය වැඩිදුරටත් සඳහන් කර ඇත්තේ.
