ප්‍රබල මත්ද්‍රව්‍ය ජාවාරම්කරුවෙකු සහ පාතාල කල්ලි නායකයෙකු වන නඳුන් චින්තක හෙවත් ‘හරක් කටා’ කොළඹ ජාතික රෝහලට ඇතුළත් කර තිබෙනවා.
චිකුන්ගුන්යා රෝගය වැළඳී තිබීම නිසා එයට ප්‍රතිකාර කිරීම සඳහා ඔහු රෝහල්ගත කර ඇති බවයි සඳහන් වන්නේ.
ඒ අනුව, පොලිස් විශේෂ කාර්ය බලකාය හා පොලීසියේ විශේෂ ආරක්‍ෂාව යටතේ, ඔහු පමණක් කොළඹ ජාතික රෝහලේ 37 වන වාට්ටුවට ඇතුළත් කර ප්‍රතිකාර කරන බව සඳහන්.
තමන්ට පෞද්ගලික රෝහලක ප්‍රතිකාර ලබා ගැනීමට අවස්ථාව සලසා දෙන ලෙසට 'හරක් කටා' විසින් පොලිස් නිලධාරීන්ගෙන් ඉල්ලීමක් කර ඇතත්, නිලධාරීන් විසින් එය ප්‍රතික්ෂේප කර ඇති බවයි වැඩිදුරටත් වාර්තා වන්නේ.
