ව්‍යවස්ථා විරෝධී පනත් කෙටුම්පතක් ගෙන ඒමට ආණ්ඩුව උත්සාහ කළහොත්, ශ්‍රේෂ්ඨාධිකරණය හමුවට යාමට කටයුතු කරන බව හිටපු පාර්ලිමේන්තු මන්ත්‍රී ප්‍රේමනාත් සී. දොළවත්ත පවසනවා.
ඒ අනුව එලෙස ශ්‍රේෂ්ඨාධිකරණයට ගියහොත්, තුනෙන් දෙකක බලයට අමතරව රජයට ජනමත විචාරණයකට යාමට ද සිදුවිය හැකි බවයි අද (16) මාධ්‍ය හමුවකට එක්වෙමින් හිටපු මන්ත්‍රීවරයා සඳහන් කළේ.
මෙවර පළාත් පාලන මැතිවරණයේදී ජාතික ජන බලවේගය නියෝජනය කළ ලක්ෂ 23ක් ජනතාව ඔවුන්ට ඡන්දය ලබාදී නොමැති බවද, ජනාධිපතිවරයා කුපිත වී ඇත්තේ එම කාරණාව නිසා බවද ඔහු වැඩිදුරටත් ප්‍රකාශ කළා.
