නව පාප් වහන්සේ තෝරා පත් කරගැනීම සඳහා පැවැත්වෙන රහසිගත ඡන්ද විමසීමට අදාළව අද (08) පෙරවරුවේ පැවති ඡන්ද විමසීමේදී ද නව පාප් වහන්සේ තෝරා පත් කර ගැනීමට නොහැකි වී තිබෙනවා.
ඒ අනුව තුන්වන ඡන්ද විමසීමෙන් පසුව ද තවමත් නව පාප් වහන්සේ කෙනෙකු තෝරාපත් කරගෙන නොමැති බවට සංඥා කරමින්, සිස්ටයින් දේවස්ථානයට ඉහළින් කළු දුමාරයක් පිටවී තිබෙන බවයි විදෙස් මාධ්‍ය වාර්තා කරන්නේ.
අවසාන වරට පැවති, 2013 දී ෆ්‍රැන්සිස් පාප් වහන්සේ තෝරා පත් කරගත් සම්මේලනය ද දින දෙකක් පැවති බවයි විදෙස් මාධ්‍ය වාර්තා වැඩිදුරටත් සඳහන් කරන්නේ.
