ඉන්දියාවේ පැවති Battle of the Bands තරගාවලියේ අනු ශූරතාව දිනා ගැනීමට ශ්‍රී ලංකාව නියෝජනය කළ Knights සංගීත කණ්ඩායම සමත්වුණා.

ඉන්දියාවේ තොරතුරු හා විකාශන අමාත්‍යංශය සහ එරට ‘සරිගම’ සංගීත ආයතනය එක්ව සංවිධානය කර තිබුණු මෙම තරගාවලිය සඳහා රටවල් 12ක් නියෝජනය කරමින්, සංගීත කණ්ඩායම් 12ක් සහභාගි වුණා.

ශ්‍රී ලංකාව නියෝජනය කරමින් ඒ සඳහා සහභාගි වූ Knights සංගීත කණ්ඩායමට තරිඳු නිර්මාණ, දනිඳු පෙරේරා, රුක්ෂාන් සිල්වා, කවිශ්ක අශාන් සහ ගීසර විජේකෝන් යන අය ඇතුළත් වුණා.

තරගාවලියේ අනුශුරතාව දිනාගත් ඔවුන් අද (05) යළි දිවයිනට පැමිණි අතර, ඔවුන් පිළිගැනීම සඳහා ගායන ශිල්පීන් ඇතුළු පිරිසක් එක්ව සිටි බවයි වැඩිදුරටත් සඳහන් වෙන්න‍ේ.