වියට්නාමයේ රාජ්‍ය සංචාරයක නිරත වන ජනාධිපති අනුර කුමාර දිසානායක හා වියට්නාම් ජනාධිපති Luong Cuong අතර හමුව අද (05) සිදුව තිබෙනවා.

වියට්නාම ජනාධිපති මන්දිරය වෙත අද (05) උදෑසන පැමිණි ජනාධිපති අනුර කුමාර දිසානායක ත්‍රිවිධ හමුදා උත්තමාචාර සහිතව පිළිගත් අතර, එම ත්‍රිවිධ හමුදා පෙළපාලිය නිරීක්ෂණය සඳහා ද ජනාධිපතිවරයා එක්වූ බවයි ජනාධිපති මාධ්‍ය අංශය සඳහන් කළේ.

පිළිගැනීමේ උත්සවයේදී දෙරට නායකයින් දෙදෙනා ශ්‍රී ලංකාවේ සහ වියට්නාමයේ ජාතික ගී වලට ‍ගෞරව දැක්වීමෙන් අනතුරුව, දෙරටේ නියෝජිතයින් හඳුන්වාදුන් අතර, ඉන් පසු ශ්‍රී ලංකාව හා වියට්නාමය අතර ද්වීපාර්ශ්වික සාකච්ඡා ආරම්භ කෙරුණා.