පළාත් පාලන ආයතන ඡන්ද විමසීමට අදාළව ඊයේ (15) දිනයේ පමණක් පැමිණිලි 53ක් ලැබී ඇති බව මැතිවරණ කොමිෂන් සභාව පවසනවා.

ඒ අනුව, මේ දක්වා ලැබී ඇති මුළු පැමිණිලි සංඛ්‍යාව 1,387ක් දක්වා ඉහළ ගොස් ඇති බවයි එම කොමිසම සඳහන් කළේ.

ඉන් පැමිණිලි 1,293ක් ලැබී ඇත්තේ නීති උල්ලංඝණය කිරීම්වලට අදාළව වන අතර, ප්‍රචණ්ඩ ක්‍රියා සම්බන්ධයෙන් පැමිණිලි 08ක් ලැබී ඇති බවද සඳහන්.

ලැබී ඇති පැමිණිලි 1,387න් 1,214ක් මේ වන විට විසඳා ඇති බවත්, සෙසු පැමිණිලි 173ක් සම්බන්ධයෙන් අවශ්‍ය කටයුතු මේ වන විට සිදු කරමින් පවතින බවයි මැතිවරණ කොමිෂන් සභාව වැඩිදුරටත් ප්‍රකාශ කර සිටියේ.

‍අදාළ නිවේදනය පහතින්.